រាជរដ្ឋាភិបាលនឹងបិទមិនឱ្យមានការផ្តល់រង្វាន់លើគម្របដប ឬក្រវិលកំប៉ុងគ្រឿងស្រវឹងនិងភេសជ្ជៈទាំងអស់
រាជរដ្ឋាភិបាលសម្រេចឱ្យប្រជុំពិភាក្សា ដើម្បីបិទមិនឱ្យមានការផ្តល់រង្វាន់លើគម្របដប ឬក្រវិលកំប៉ុងគ្រឿងស្រវឹង និងភេសជ្ជៈទាំងអស់នៅកម្ពុជា ។ នេះបើយោងលិខិតមួយច្បាប់របស់ទីស្ដីការគណៈរដ្ឋមន្ត្រីចេញផ្សាយនៅថ្ងៃទី២៤ មេសា កន្លងមកនេះ ។ លិខិតបានលើកឡើងថា ករណីសំណើសុំរាជរដ្ឋាភិបាលមេត្តាចាត់វិធានការលើការធ្វើទីផ្សារដោយការផ្តល់រង្វាន់តាមរយៈគម្របដប និងក្រវិលកំប៉ុងក្នុងឧស្សាហកម្មភេសជ្ជៈនិងគ្រឿងស្រវឹង ។ ការបើកកិច្ចប្រជុំនេះ ធ្វើឡើងតាមលិខិតរបស់ក្រុមហ៊ុន HEINEKEN ក្រុមហ៊ុនភេសជ្ជៈ និងគ្រឿងស្រវឹងចំនួន៤ និងសមាគមអ្នកនាំចូល និងចែកចាយស្រាបៀរនិងស្រា ចុះថ្ងៃទី១៨ ខែមីនា ឆ្នាំ២០២៥កន្លងមក ។ ទីស្តីការគណៈរដ្ឋមន្ត្រីបានលើកឡើងថា រាជរដ្ឋាភិបាលបានឃើញនិងឯកភាពជាគោលការណ៍ដូចខាងក្រោម៖ ១-ក្នុងករណីមានការហាមឃាត់ចំពោះការផ្តល់រង្វាន់តាមរយៈក្រវិលកំប៉ុងឬគម្របនៃផលិតផល គ្រឿងស្រវឹងនិងភេសជ្ជៈនោះ ត្រូវកំណត់នូវរយៈពេលសមរម្យណាមួយ ក្រុមហ៊ុនទាំងនោះអាចត្រៀមខ្លួនជាមុន។…