( កំពង់ចាម ): លោក អាន វណ្ណា ប្រធានអង្គការចីរភាពបរិស្ថានកម្ពុជាសាខាខេត្តកំពង់ចាម តំណាង លោកបណ្ឌិត ហោ គន្ធា ប្រធានអង្គភាពចីរភាពបរិស្ថានកម្ពុជា បានដឹកនាំក្រុមកាងារចូលរួមកិច្ចប្រជុំពិភាក្សា ជាមួយមន្ត្រីមន្ទីរបរិស្ថានខេត្តកំពង់ចាម នាព្រឹកថ្ងៃទី ១៥ ខែកក្កដា ឆ្នាំ ២០២៥ ក្នុងគោលបំណងសហការលេីយុទ្ធនាការ ពន្លកបៃតង យុទ្ធនាការ កម្ពុជាស្អាត ខែ្មរធ្វើបាន សំដៅរួមគ្នាធ្វើយ៉ាងណាដេីម្បីកម្ពុជាស្អាត និងបង្កើនគម្របបៃតង ស្របតាមយុទ្ធសាស្ត្រចក្រាវិស័យបរិស្ថាន ក្រោមការដឹកនាំដ៏ខ្ពង់ខ្ពស់ ឯកឧត្ដមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន ។
ជាមួយគ្នានេះដែរ អង្គភាពចីរភាពបរិស្ថានកម្ពុជា បានប្ដេជ្ញាចូលរួម និងគាំទ្រយ៉ាងពេញទំហឹង នូវការដាក់ចេញជាយុទ្ធសាស្ត្ររបស់ក្រសួងបរិស្ថាន ទាំងយុទ្ធនាការ “ថ្ងៃនេះ ខ្ញុំមិនប្រេីថង់ប្លាស្ទិកទេ” “កម្ពុជាស្អាត ខែ្មរធ្វើបាន” “ផ្លូវជាតិ គ្មានសំណល់សំរាមប្លាស្ទិក” ព្រមទាំងយុទ្ធនាការ “ពន្លកបៃតង”ផងដែរ ៕
