ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ​ សូមគោរពដឹងគុណដ៏ខ្ពង់ខ្ពស់ជូនសម្ដេចអគ្គមហាសេនាបេតីតេជោ ហ៊ុន សែន ប្រធានសមាគមអតីតយុទ្ធជន និងនិវត្តជន ព្រមទាំងបានប្តេជ្ញាខិតខំចូលរួមលើកកម្ពស់ការគិតគូរដល់អតីតយុទ្ធជន អតីតមន្រ្តីរាជការ ទាំងលើសុខុមាលភាព ជីវភាពឱ្យបានសមរម្យ ប្រកបដោយសេចក្តីថ្លៃថ្នូរ ស័ក្តិសមទៅនឹងគុណូបការៈរបស់ពួកគាត់ដែលបានលះបង់បម្រើជាតិមាតុភូមិ និងប្រជាជនក្នុងពេលដែលគាត់នៅមានកម្លាំង។